Ancora mezzu addummisciuta Si susi pi ffari 'u cafè Ie metti zuccuru a tinghitè. S'iè sulu zuccuru nun cc’è mali U dannu iè quannu ci metti 'u sali Ie 'u maritu ca c’iappoggia ‘a ucca Sputa ie ppoi ri iastimi s’ammucca. Quannu poi va a ffari ‘a spisa Tutta ‘mpillittata ie tisa tisa Accatta 'u pummaroru pi ffari a sassa Ie chiddu r’insalata ‘nto sitacciu passa. Pa pastasciutta 'u cuscusu ci cala D’ulcira pifforanti unu s’ammala Ie poi na testa ci tirassi na rasta Quannu ci viri usari 'u culapasta. Ti rici macari c’o vuleva sracottu Pi fallu ripienu r’alivi ie prosciuttu cottu I’a stu puntu 'u maritu chi ppo’ ffari? Si ni nesci, si nun si voli ruvinari. Mischinu a ddr’amicu, quannu ci penzu Ca c’iammattiu na mugghieri senza senzu Cu quali cuscienza 'gnonnu ci ggira Ri farici i spaghetti cu ‘a sassa ri pira! Ra cucina ‘a fimmina iè reggina Quannu sa fira iè cuoca supraffina S’accussì nunn’è ‘a cosa nun è llieta Picchì ti tocca spissu ri stari a ddieta. A 'stu puntu pi ttia l’unica spiranza Iè chiddra ca s’iè vacanti ‘a panza Fossi capisci ca macari iddra c’iappizza So to dduviri nun fai pi ddibulizza. Ie allura sta' tranquillu ca sa rimina Ie s’ampussessa raveru ra cucina Si fa spetta ie picciò qual'è 'u novu mali? Chiddu ca t’angrassa comu ‘nmaiali. | Ancora mezzo addormentata Si alza per fare il caffè E mette zucchero a casaccio. Se è solo zucchero non c'è male Il danno è quando ci mette il sale E il marito che ci appoggia la bocca Sputa e poi bestemmiando inveisce. Quando poi va a fare la spesa Tutta ben acconciata e impettita Compra il pomodoro per fare la salsa E quello per l'insalata nel setaccio passa. Per la pastasciutta il corallino ci butta D'ulcera perforante uno s'ammala E poi in testa le tirerebbe un vaso Quando le vede usare il colapasta. Ti dice pure che lo voleva stracotto Per farlo ripieno di olive e prosciutto cotto E a questo punto il marito che può fare? Se ne esce, se non si vuole rovinare. Povero a quell'amico, quando ci penso Che gli toccò una moglie senza senso Con quale coscienza un giorno le gira Di fargli gli spaghetti con la salsa di pere! Della cucina la donna è regina Quando è capace è cuoca sopraffina Se così non è la cosa non è lieta Perché ti tocca spesso di stare a dieta. A questo punto per te l'unica speranza E' quella che se è vuota la pancia Forse capisce che anche lei ci rimette Se non fai il tuo dovere per debolezza. E allora stai tranquillo che si dà da fare E s'impossessa davvero della cucina Si fa furba e perciò qual'è il nuovo male? Quello che t'ingrassa come un maiale. |
|---|