Stamatina m’arruspigghiu
pi nu scrusciu supra ‘o tettu:
arrisautu ie mi pigghiu
‘ncoppu ‘i scantu ‘nto ma lettu.
Nun po’ iessiri c’a statu ‘u iattu,
troppu fotti ‘a statu ‘a bbotta,
vistiti ie scappi m’arrabbattu,
decisu mi priparu ‘a lotta.
Pigghiu ‘a scala ie nu vastuni
ie ppoi acchianu lentu lentu:
su iè ‘nlatru uo ‘ncafuni
iu mi vendicu ro spaventu.
Quann’arrivu m’affacciu l’occhi
ie ‘na tenda viru isata;
mi s’ammosciunu ‘i rinocchi
pi la grandi ‘mpruvvisata.
M’arripigghiu ra soppresa
ie co vastuni isu ‘a manu:
sugnu prontu pi l’impresa,
forra ‘ngiganti oppuru ‘nnanu.
‘Na vuciata iettu fotti:
“Nesci fora! Ca t’ammazzu!”
ie ra tenda sentu i bbotti
ie ppoi viru ca nesci n’frazzu.
Barcullannu veni fora
‘a scunchiuruta ri ma mugghieri:
chista iè ddrossa, cchiù ddrossa ancora
ri chiddra ca fici all’autru aieri.
“Chi sta facennu? Scimunita!
T’ava lassatu ni ta matri
ie t’attrovu ‘ntirizzita
supra ‘o tettu comu e latri!”
Ma rispunni tutta scantata:
“Sono stata ‘ntall’avvucatu
ca m’ha datu ‘na cunsigghiata
po fattu che ‘i mia t’ha stancatu.
Rici ca si ni ma matri staiu,
tu mi po puttari ‘o Tribbunali:
ti cecchi ‘a scusa ca tottu iaiu
p’abbandonu ro tettu coniugali.”
P’o scuncettu pi picca nun caru
ie ra scala m’asdurubbu:
iù mi fazzu ‘u sangu amaru
mi iettu sutta ie llevu ‘u distubbu.
Ma comu si fa a supputtari
‘na mugghieri ca pi rispettu
‘na canadesi v’a cchiantari
pinsannu ri vaddari ‘u tettu! |
Stamattina mi sveglio
per un rumore sopra il tetto:
ho un sobbalzo e mi prendo
un colpo di paura nel mio letto.
Non può essere che è stato il gatto,
troppo forte è stata la botta,
vestiti e scarpe raccolgo in fretta,
deciso mi preparo alla lotta.
Prendo la scala e un bastone
e poi salgo lento lento:
se è un ladro o un cafone
io mi vendico dello spavento.
Quando arrivo affaccio gli occhi
e una tenda vedo alzata;
mi si afflosciano le ginocchia
per la grande improvvisata.
Mi riprendo della sorpresa
e alzo la mano col bastone:
sono pronto per l’impresa,
fosse un gigante oppure un nano.
Lancio un urlo forte:
“Esci fuori! Che t’ammazzo!”
e dalla tenda sento i botti
e poi vedo che ne esce un braccio.
Barcollando viene fuori
la sconclusionata di mia moglie:
questa è grossa, più grossa ancora
di quella che fece l’altro ieri.
“Che stai facendo? Scimunita!
T’avevo lasciato da tua madre
e ti trovo intirizzita
sopra il tetto come i ladri!”
Mi risponde tutta spaventata:
“Sono stata dall’avvocato
che mi ha dato una consigliata
per il fatto che di me ti sei stancato.
Dice che se da mia madre sto,
tu mi puoi portare in Tribunale:
ti cerchi la scusa che torto ho
per abbandono del tetto coniugale.”
Per lo sconcerto per poco non cado
e dalla scala ruzzolo:
io mi faccio il sangue amaro
mi butto sotto e tolgo il disturbo.
Ma come si fa a sopportare
una moglie che per rispetto
una canadese va a piantare
pensando di far la guardia al tetto! |
